Door aur paas.

Tu paas mein hai mere,
Aur door bhi bahut hai,
Tu saamne hai baithi,
Par dhoondta phiru main;

Tu hai meri nazar mein,
Main Dekhta jahan hu,
Fir Kyun na Jaane mujhko,
Hai intezaar Tera.

Jab subah ko main jaagoo,
Bus tu hi saamne ho,
Aur shaam ko bhi tumse,
Milne ki ho tamanna;

Har raah har Gali mein,
Tumko hi dhoondta hu,
Ho din ho chaahe raatei,
Hai bus khumaar Tera.

Hai pyaar tumse Kitna,
Kaise tumhei bataaun,
Dil mein tarap hai kitni,
Kaise tumhei dikhaun;

Aa dekh le aye jaana,
Kaise main jee raha hu,
Tujh bin mujhe hua kya,
Kaisa hai haal mera.

Yun to tu saamne hai,
Par saath tu nahi hai,
Main Dekhta hu Tumko,
Par tu kahi nahi hai;

Par hai jahan kahi tu,
Tu aayegi kabhi toh,
Ek shaam aisi hogi,
Jab saath hoga Tera.

By K. R. Vidyarthy.