Do raahe...

Aaj fir,
Iss do raahe pe khada,
Soch raha hai pathik,
Chalu kaun si raah,

Buraai ka ya achhai ka,
Jhoot ka ya sachhai ka,
Yun to pata hai sab use,
Fir v soch raha hai,

Yun to nange pair hain uske,
Fir v man me darr nahi use,
Inn kaanto ka,
Aur na hi jalti hui dhoop ka,

Fir Kyun soch raha hai,
Akhir kadam Kyun Ruke hain uske,
Kyun nazrei chura raha hai Khud se,
Iss do raahe pe,

Saayad yaad kar raha hai,
Hasra wo sachhai ka,
Saayad Sochta hai wo,
Kya hua achhai ka,

Fir use kuchh yaad aa gaya,
Sochte Sochte,
Aur wo chal pada uss raah,
Jo use Zindagi de de.
  
    k r vidyarthy.